महिलांनी स्वतःची ओळख (Identity) कशी जपावी?

 महिलांनी स्वतःची ओळख (Identity) कशी जपावी?

“मी कोण आहे?” हा प्रश्न विसरला जातो तेव्हा… एका महिलेला आयुष्यात अनेक नावं मिळतात — कोणाची मुलगी, कोणाची पत्नी, कोणाची आई… पण या सगळ्या नात्यांमध्ये एक नाव हळूहळू हरवत जातं ते म्हणजे तिचं स्वतःचं नाव, तिची ओळख. खरं तर प्रश्न “लोक मला काय म्हणतात?” हा नसतो तर 
खरा प्रश्न असा असतो कि “मी स्वतःला काय समजते?”

नमस्कार, मी जया सकपाळ Versatile Educaare System ची Abacus Program Director, Versatile शिक्षण सखी या कम्युनिटीची फॉउंडर आणि मला १००० महिलांच्या आयुष्यात योगदान करायचे आहे.

तर या ब्लॉगमध्ये आपण महिलांनी स्वतःची ओळख (Identity) कशी जपावी? हे जाणून घेणार आहोत त्यासाठी हा ब्लॉग शेवटपर्यंत नक्की वाचा. चला तर सुरुवात करूया.

१. भूमिका (Roles) आणि ओळख (Identity) यातला फरक समजून घ्या

महिला अनेक भूमिका निभावतात, पण त्या भूमिका म्हणजेच त्यांची ओळख नसते. आई असणं, पत्नी असणं, कर्मचारी असणं हे roles आहेत, पण तुम्ही कोण आहात हे त्यापलीकडचं आहे. जर तुमची ओळख फक्त इतरांशी जोडलेली असेल, तर ती कधीही बदलू शकते. पण जर ती तुमच्या values, विचार आणि स्वभावावर आधारित असेल तर ती कायम मजबूत राहते.

२. “Approval” च्या सवयीपासून स्वतःला मुक्त करा

आपण जे करतो, ते इतरांना आवडेल का? लोक काय म्हणतील? हा विचार अनेक महिलांना आतून रोखून ठेवतो. हळूहळू अशी सवय लागते की आपण स्वतःसाठी नाही, तर इतरांच्या approval साठी जगू लागतो. पण जिथे सतत approval लागतो, तिथे identity हरवते. म्हणून लक्षात ठेवा कि तुम्ही घेतलेले निर्णय सर्वांना पटतीलच असं नाही आणि ते ठीक आहे हे स्वीकारा.

३. स्वतःचा “आवाज” (Voice) शोधा आणि वापरा

अनेक वेळा महिला त्यांच्या मनातलं बोलत नाहीत कारण त्यांना वाटतं की त्यांचा आवाज महत्त्वाचा नाही. पण लक्षात ठेवा तुमचा विचार, तुमचं मत, तुमचा आवाज हीच तुमची ओळख आहे. म्हणून छोट्या गोष्टींपासून सुरुवात करा ते म्हणजे तुमचं मत मांडा, तुमची भावना व्यक्त करा आणि स्वतःला व्यक्त होण्याची परवानगी द्या.

४. तुलना (Comparison) थांबवा — तुमचा प्रवास वेगळा आहे

“ती इतकी successful आहे… मी नाही.”


“ती सगळं manage करते… मला जमत नाही.” 

अशी तुलना हळूहळू आत्मविश्वास कमी करते आणि स्वतःची ओळख कमकुवत करते. प्रत्येक महिलेचा प्रवास वेगळा असतो, तिच्या परिस्थिती वेगळ्या असतात. तुम्ही कोणाशीच स्पर्धा करू नका तर तुम्ही फक्त कालच्या स्वतःपेक्षा आज चांगले होत आहात याचा विचार करा.

५. शांततेत स्वतःशी connect व्हा

आजच्या धावपळीच्या आयुष्यात आपण बाहेरच्या आवाजात इतके गुंततो की आतल्या आवाजाकडे लक्षच देत नाही. म्हणून कधी कधी फक्त शांत बसा… मोबाईल बाजूला ठेवा…आणि स्वतःला विचारा —

“मी खरंच आनंदी आहे का?”


“मी जे करतेय ते मला आवडतं का?”

ही छोटी सवय तुमचं आयुष्य बदलू शकते. आणि तुम्हाला तुमच्या ध्येयापर्यंत पोहचवू शकते.

६. स्वतःची छोटी-छोटी ओळख जपा

ओळख (Identity) म्हणजे नेहमी मोठी गोष्ट नसते तर ती तुमच्या छोट्या सवयींमध्ये, आवडींमध्ये आणि lifestyle मध्येही दिसते.

उदा.

* तुमची समजून घेण्याची पद्धत 

* तुमची बोलण्याची पद्धत

* तुमचे विचार मांडण्याची शैली

* तुमची शिकण्याची पद्धत 

म्हणून या छोट्या गोष्टी बदलू देऊ नका कारण ह्याच तुमची uniqueness बनवतात.

७. स्वतःसाठी उभं राहण्याची हिंमत ठेवा

कधी कधी आयुष्यात असे प्रसंग येतात जिथे तुम्हाला स्वतःसाठी उभं राहावं लागतं जरी बाकी कोणी तुमच्या बाजूने नसले तरी. आणि तिथेच तुमची खरी ओळख दिसते. लोकांना खुश ठेवण्यासाठी स्वतःला बदलणं सोपं आहे पण स्वतःसाठी ठाम राहणं ही खरी ताकद आहे. आणि ती ताकद प्रत्येक महिलेमध्ये असते.

म्हणून सर्वानी एक गोष्ट नक्की लक्षात ठेवा ते म्हणजे स्वतःला कधीच हरवू नका. जग बदलत राहील, लोक बदलत राहतील, भूमिका बदलत राहतील पण या सगळ्यात एक गोष्ट कायम ठेवा ते म्हणजे स्वतःला. कारण शेवटी, तुमचं नाव, तुमची ओळख, तुमचं अस्तित्व हीच तुमची सर्वात मोठी ताकद आहे.

कारण “जगासाठी तुम्ही अनेक गोष्टी असाल पण स्वतःसाठी तुम्ही ‘तुम्ही’ राहणं सर्वात महत्त्वाचं आहे.”

तर तुम्हाला हा ब्लॉग कसा वाटला हे आम्हाला कमेंट करून नक्की सांगा. जर तुम्हाला काही प्रश्न असतील तर jaya.sakpal8@gmail.com यावर mail करून विचारू शकता. आणि जर तुम्हाला स्वतःच अस्तित्व निर्माण करायचे असेल तर Versatile शिक्षण सखी या व्हॉट्स ॲप कम्युनिटीला जॉईन करा.

धन्यवाद!!

जया सकपाळ 

संपर्क:- 8652381880

Website - https://versatileeducaare.com/abacus-teachers-training/